GALICIA E ESPAÑA:CLIMAS

Clima e vexetación de España..................................................
España está situada na zona temperada da terra , pero caracterízase por unha grande variedade de climas . Os máis importantes son : oceánico , mediterráneo ,continental , de montaña e canario .
 Clima oceánico : esténdese polo norte de Navarra , País Vasco , Cantabria ,Asturias e Galicia . Caracterízase por precipitacións abundantes ó longo de todo o ano , invernos non moi fríos e veráns non moi cálidos . Media anual : 14º - 15º.
Vexetación : Bosque caducifolio ( de folla caduca ) formado por castiñeiros , carballos ,faias e badueiras .
Fauna : lobo , raposo , xabaril e unha extensa variedade de aves.
 Clima mediterráneo :esténdese pola zona sur e leste de España ( Cataluña Baleares, País Valenciano , Murcia , sur de Andalucía , Ceuta , Melilla e parte de Estremadura . Caracterízase por veráns cálidos e invernos temperados con medias anuais de 18º - 20º , poucas precipitacións sendo as máis abundantes a finais do verán .
Vexetación :Bosque perenniforme ( piñeiro , aciñeira , sobreira , oliveira e plantas olorosas como o esplego , a lavanda , o romeo ,...)
Fauna : raposo , lince , gato montes e variedade de aves .
 Clima continental :esténdese polo centro da Península ( Castela – León , Madrid , Castela – A Mancha , sur de Aragón , sur de Navarra , parte de Estremadura ,...) . Caracterízase polos veráns cálidos e os invernos fríos precipitacións a finais do verán pero escasas no conxunto do ano .
Vexetación :piñeiro , mato baixo , olmo ,chopo e algúns abetos .
Fauna :aves rapaces , raposo ,lobo , coello , lebre......
 Clima de montaña : esténdese polos Perineos ,serra Nevada ,cordilleira Cantábrica ,.... .Caracterízase por veráns fresco e invernos moi fríos sendo as precipitacións en forma de neve .
Vexetación : abetos e matos.
Fauna :voitre , aves rapaces , oso , rebeco , cabra montesa ,...
 Clima canario : esténdese polas Illas Canarias . Caracterízase por unha temperatura semellante durante todo o ano cunha media de 20º - 21º e escasas precipitacións .
Vexetación : piñeiro canario , drago e mato baixo .
Fauna : diversas especies de aves
http://www.youtube.com/watch?v=Uoj0TEVr6dM
Clima e vexetación de Galicia...................................................
Galicia está situada no cornello noroeste da Península Ibérica ,polo tanto o clima en xeral pódese considerar oceánico pero con variantes :
 Oceánico húmido :pola zona costeira con abundantes precipitacións e temperaturas máis suaves .
 Oceánico continental : polo interior de Lugo , Ourense , Pontevedra e A Coruña con invernos máis fríos e veráns máis cálidos .
 Oceánico mediterráneo : nos vales do río Sil e río Miño no sur da provincia de Lugo e parte leste de Ourense con veráns quentes e con menos chuvias
 Oceánico de montaña :nos Ancares , serra da Queixa e serra do Eixe no límite con Asturias , León e Zamora con invernos fríos e precipitacións en forma de neve
Vexetación : destacan as árbores de folla caduca ( bidueiro , amieiro ,freixo , castiñeiro , carballo , pradairo ,.....) ,matos nos que abunda o toxo , a xesta , carqueixa ,.... . Ultimamente pola acción do home aparecen os piñeiros e eucaliptos empregados para explotación da madeira .
Fauna :
• Aves : pegas , corvos ,aguias rateiras carrizos , pombos , bubelas ,.....
• Roedores : coellos , ratos , ...
• Mamíferos : raposos , xabarís , lobos , corzos , ........
• Réptiles :lagarto , víbora , cobra común , píntega ,......
http://www.youtube.com/watch?v=6UzO6_VH1Vw

A ATMÓSFERA E OS CLIMAS

A Atmosfera .- Capa gasosa que envolve a Terra . Está composta por unha serie de gases : nitróxeno , osíxeno , dióxido de carbono , ozono e vapor de auga.
Capas da atmosfera .- A atmosfera divídese en capas :
Troposfera : capa máis baixa cunha anchura de 10 a 15 qms . Nela atópase o osíxeno , o dióxido de carbono e prodúcense os fenómenos meteorolóxicos: choiva , vento,...
Estratosfera : capa que está entre os 12 e os 50 qms . Nela atópase a capa de ozono , que nos protexe das radiacións solares.
Termosfera : formadas por subcapas como : a ionosfera e a exosfera , que serve de filtro solar e serve para distribuír o calor e a humidade polo planeta .
Tempo e clima .-
1. Tempo atmosférico : Estado da atmosfera nun lugar e momentos determinados e que pode cambiar dun día para outro . Exemplo : o día que fai hoxe.
2. Clima : Situación meteorolóxica dun país ó longo de anos . Exemplo :o clima de Galicia que é atlántico.
Os elementos do clima son :
- Temperaturas : expresa a cantidade de calor que posúe o aire .Mídese co termómetro e nos mapas coas isotermas , que unen puntos coa mesma temperatura .
- Precipitacións :Cantidade de auga ( choiva , neve , sarabia ,... ) que cae nun lugar . Mídese co pluviómetro e represéntanse nun mapa coa isohietas , que unen puntos coas mesmas precipitacións.
- Presión atmosférica :Peso do aire sobre un punto da Terra expresado en milibares. Mídese co barómetro e represéntase nun mapa coas isóbaras ou liñas que unen puntos coa mesma presión atmosférica . As altas presións chámanse anticiclóns e as baixas borrascas.
- Ventos : Masa de aire en movemento . A súa velocidade mídese co anemómetro e a súa dirección co viraventos.As masas de aire circulan pola atmosfera dando lugar a cambios de temperatura e de tempo .
- Humidade :Cantidade proporcional de vapor de auga que hai na atmosfera. Mídese co higrómetro
Clases de climas .............................................
Climas cálidos : localízanse na zona da Terra entre o Trópico de Cancro e o Trópico de Capricornio . Teñen temperaturas altas e moita insolación .Os máis importantes son:
Clima ecuatorial
- Sitúase en torno ó ecuador, as súas temperaturas son elevadas cunha media arredor dos 25º
- Abundantes precipitacións .
- Unha estación única calorosa durante todo o ano
- A súa vexetación é a selva que está formada por unha masa enorme de árbores
- Ten unha fauna moi variada ( aves , primates ,réptiles de gran tamaño , insectos ,...)
Clima tropical
- Esténdense desde os límites do clima ecuatorial ata os trópicos.
- Ten dúas estacións : unha chuviosa e outra seca , abundantes precipitacións e altas temperaturas .
- A sabana e a xungla é a vexetación máis representativa. Vai diminuíndo a vexetación canto máis nos afastamos do ecuador , dando lugar a altas herbas.
- A fauna é variada , destacan : león ,cebra ,xirafa e gran cantidade de roedores e insectívoros.
Clima desértico
- Localízase nas proximidades nas proximidades dos Trópicos de Cancro E Capricornio.
- Caracterízase por escasas precipitacións.
- Polo día forte calor e pola noite temperaturas baixas.
- A vexetación é escasa , destacan :matos e cactos.
- A súa fauna é escasa , destacan :pequenos roedores , víboras,e algunhas aves.


Climas temperados: Esténdense entre os Círculos Polares e os trópicos. Destacan a diferencia de temperaturas entre as estacións .Os máis importantes son :
Clima mediterráneo
- Localízase na franxas marítimas de América , sur de Europa e Norte de África .
- Os invernos son moi suaves e os veráns cálidos.
- As precipitacións son irregulares e máis abundantes no inverno .
- A vexetación máis común son : árbores de folla perenne ( aciñeira , sobreira , piñeiro ) e plantas aromáticas ( romeo ,lavanda, esplego )
- Na fauna destacan : corzos,xabarís , lobos , raposos ,....
Clima oceánico
- Esténdese polas rexións costeiras , oeste de América e parte oeste de Europa( norte da Península Ibérica , norte e oeste de Francia Reino Unido....)
- Destaca pola abundancia de precipitacións ó longo do ano e veráns temperados e invernos non moi fríos.
- A súa vexetación destaca pola abundancia de árbores de folla caduca ( carballos , faias , castiñeiros , salgueiros ,...)
- Na fauna destacan :corzos ,xabarís , lobos,raposos..

Clima continental
- Localízase no interior dos continentes (centro leste de Europa e centro de Asia....)
- Destacan os veráns cálidos e invernos fríos e precipitacións moderadas sobre todo ó final do verán
- A vexetación máis abundante é o bosque boreal ( piñeiros , abetos , bidueiros ,...)e as praderías e estepas.
- Na fauna destacan : aves , raposos,londras , renos..

Climas fríos :Esténdense polas zonas de alta montaña e pola proximidade ós Círculos Polares.
- Destacan polas temperaturas moi frías de inverno ( -30º ou máis) e frías no verán .
- As precipitacións son escasas e en forma de neve.
- A vexetación típica é a tundra ( mofos , liques e plantas de baixo crecemento )
- Na fauna destacan :osos polares ,pingüíns , aves , cabras montesas,..
http://www.youtube.com/watch?v=JL82raPWj3Y